حذف الحساب والبيانات

1من التطبيق

تقدر تحذف حسابك بنفسك من تطبيق منصة يوسف سلطان التعليمية في أي وقت، سواء كنت طالب أو ولي أمر.

• افتح التطبيق وسجّل دخولك
• الطالب: ادخل على «حسابي» ← «الإعدادات» ← «حذف الحساب»
• ولي الأمر: ادخل على «حسابي» وفي آخر الصفحة دوس على «حذف الحساب»
• اكتب كلمة المرور وأكّد الحذف

2من الموقع

نفس الخطوات متاحة من موقع youssef-soltan.online بعد ما تسجّل دخولك. الطالب بيلاقيها في صفحة «حسابي»، وولي الأمر بيلاقيها في آخر الصفحة الرئيسية للوحة ولي الأمر.

• الطالب: سجّل دخولك، ادخل على «حسابي»، افتح تبويب «الإعدادات»، وفي آخر الصفحة دوس على «حذف الحساب»
• ولي الأمر: سجّل دخولك من صفحة دخول ولي الأمر، وفي آخر الصفحة الرئيسية دوس على «حذف الحساب»
• اكتب كلمة المرور وأكّد الحذف

3لو مش قادر تدخل حسابك

ابعت طلب حذف لفريق الدعم على واتساب من نفس رقم الموبايل المسجّل على الحساب (من زر واتساب في أسفل الموقع). هنتأكد إن الرقم بتاعك ونحذف الحساب في خلال 7 أيام.

4إيه اللي بيتمسح

بمجرد ما تأكّد الحذف، الحساب بيتقفل نهائيًا ومينفعش نرجّعه تاني. ممكن تستخدم نفس رقم الموبايل بعد كده تعمل حساب جديد من الأول. وده اللي بيتمسح فورًا:

• رقم الموبايل والإيميل
• تسجيل الدخول من كل الأجهزة بينتهي، والأجهزة المسجّلة على الحساب بتتشال
• الربط بين الطالب وولي الأمر
• توكنات الإشعارات

5إيه اللي بيتحفظ

بعض السجلات بتفضل محفوظة لأغراض المحاسبة والسجلات القانونية، ومرتبطة بالحساب المحذوف ومش بتظهر لأي حد. وبنحتفظ بيها طول المدة اللي الالتزامات المحاسبية والقانونية بتطلبها.

• سجلات الدفع
• نتايج الواجبات والامتحانات والاسم المكتوب عليها
• حذف حساب ولي الأمر مش بيحذف حسابات أبنائه

6أسئلة؟

لو عندك أي سؤال عن بياناتك، تواصل مع فريق الدعم على واتساب. وتقدر تقرا كمان سياسة الخصوصية.